Hluê ngă klei gĭt gai mơ̆ng khua knŭk kna lŏ dơ̆ng mđĭ hĭn bruă lăm lui săng tĭ rưč hlăm kluôm ala, truh hrue 6/2/2025 čar Kon Tum mâo ngă leh 369 boh sang hlăm anăn mdơ̆ng mrâo 320 boh sang lehanăn mkra wĭt 49 boh sang. kluôm čar Kon Tum mâo 2.752 boh sang tĭ rưč, čiăng lŏ mdơ̆ng mrâo truh 2.186 boh sang, lehanăn mkra wĭt truh 566 boh sang. Ênoh bi liê jih jang čiăng kơ čar Kon Tum msir jih sang tĭ rưč jing êbeh 141 êklai 500 êklăk prăk, lehanăn ară anei čar dôk kƀah êbeh 54 êklai 700 êklăk prăk.

Mâo hĕ klei msĕ snăn kyua čar Kon Tum dôk kƀah prăk lu êdi čiăgn ngă bruă anei, ênoh sang tĭ rưč đĭ 1.214 boh sang mkă hŏng ênoh ksiêm yap êlâo jing  1.538 gŏ sang lehanăn 2.752 gŏ sang dôk sang hluh ƀrôč, čiăng lŏ mdơ̆ng mrâo lehanăn mkra wĭt. Tui si Anôk bruă kiă kriê bruă msir lăm sang tĭ rưč čar Kon Tum, ară anei prăk mơ̆ng gưl dlông lehanăn mơ̆ng dŭm klei bi đru hlăm alŭ wăl knŏng mrâo mâo mil 61% ênoh čiăng kơ prăk pioh ngă bruă msir sang tĭ rưč./.