Klă klơ̆ng, ti să Ia Hiao, adiê hjan prŏng sui ngă kơ 120 gŏ êsei êngăp êa truh ti sang, 109 ha mdiê yan hjan, 86 ha ktơr, êtak êbao leh anăn 43 ha hbei ƀlang… luč liê êbeh 2,4 êklai prăk. Mbĭt hŏng bruă hlue ngă dŭm hdră msir mjêč rơ̆ng êđăp ênang kơ mnuih ƀuôn sang, knŭk kna alŭ wăl dua gưl dôk ksiêm dlăng, kčĕ kơ čar hnưm bi mklă hdră bruă mkŏ mjing anôk dôk mrâo kơ gŏ êsei khăng êngăp êa grăp thŭn, mbĭtr anăn akâo đru prăk bi liê msir mkra mjing, hơĭt klei hdĭp mda kơ mnuih ƀuôn sang.

Ti ƀuôn hgŭm Ea Bŭng, čar Dak Lak, đa đa gŏ sang ti alŭ 4 leh anăn alŭ 12 mâo êa êngăp êlam, êlan dơ̆ng mlir ƀuôn hgŭm Ea Bŭng – Ia Rvê adôk bi ktlah. Ti ƀuôn hgŭm Ea Lôp, alŭ 10 găn alŭ 11 adôk ti ktlah, lu bĭt êlan găn dŭm alŭ 6,8,9 êa êngăp êlam, êlan klông kpăk hlăm dŭm mmông. Ti ƀuôn hgŭm Tây Sơn, hjan prŏng ngă klưh hroh lu bĭt ti ktuê êlan DT646 leh anăn đa đa êlan hlăm alŭ, ƀuôn. Mbĭt hŏng anăn, mâo 29 drei êmô êa đung, mtih sang hră hđeh điêt Phước Tân klưh hlăm brô 40m. Ară anei, bruă sang čư̆ êa alŭ wăl tiŏ nao leh êpul mgaih msir, đru kơ mnuih ƀuôn sang leh anăn rơ̆ng kơ klei êđăp ênang hlăm êlan klông.

9 -  Adiê hjan prŏng ngă êngăp êbeh 300 sang mnuih ƀuôn sang ti 4 alŭ ti să Hiệp Thạnh, Lâm Đồng. Čiăng đru kơ mnuih ƀuôn sang pral lŏ hơĭt klei hdĭp mda, knŭk kna alŭ wăl lŏ dơ̆ng ba nao knuă druh, lĭng kahan, kahan ksiêm đru kơ mnuih ƀuôn sang mbĕ mđuĕ ngăn drăp mơ̆ng anôk mbĕ đuĕ lŏ wĭt kơ sang. Ti să hang ksĭ Hoà Thắng, adiê hjan prŏng ngă kơ lăn čuah kluh hlăm sang mnuih ƀuôn sang. Kđông kahan răng mgang knông lăn Hòa Thắng ba nao knuă druh, lĭng kahan đru kơ mnuih ƀuôn sang êmiêt pưk sang hơĭt klei hdĭp mda.