Bruă dôk mkra êlan dơ̆ng mrô 28B mơ̆ng čar Lâm Đồng mâo boh taih êbeh  68km, phung mkra êlan mâo ngă leh truh giăm 40km tur êlan, mkra atur boh tâo ƀhĭ giăm 58km, tuh gu drŏng êbeh 31km.

Bruă lŏ mkra wĭt êlan dơ̆ng mrô 28B hŏng ênoh bi liê jih jang êbeh 1.400 êklai prăk mơ̆ng anôk bruă êlan klông Việt Nam jing pô duh bi liê. Mâo 6 boh kban găn tlung thu jing anôk mkra dleh dlan hĭn, kyua troh trôk čư̆ čhiăng, lehanăn dôk găn hlăm ya hjan. Êlan dơ̆ng mrô 28B jing sa êlan dơ̆ng phŭn mkŏ čư̆ čhiăng hŏng êa ksĭ hlăm čar Lâm Đồng. Ară anei anôk bruă êlan klông Việt Nam pô duh bi liê, mguôp mbĭt hŏng knơ̆ng bruă sang čư̆ êa čar Lâm Đồng dôk jih ai tiê mkra mjing kñăm bi leh êlan lehanăn dưi ba yua hlăm mlan 12 thŭn anei./.