Aguah, bruă kƀĭn ala bi mklă 8 klei bhiăn, mâo: Klei bhiăn kăp ksiêm (lŏ mlih mrâo); Klei bhĭn mlih mrâo, thiăm mbŏ đa đa mta mơ̆ng hdră bhiăn kčŭt hưn yang ƀuôn, hdră bhiăn kčŭt hưn hlăm bruă kiă kriê, hdră bhiăn hlue ngă klei bhiăn kơ mnuih ka bŏ prŏng, klei bhiăn kơ klei bi kruh bruă knuă, lehanăn klei bhiăn bi mgrăng, bi blŭ hrăm mgăl kđi ti sang phat kđi; klei bhiăn mlih mrâo thiăm mbŏ đa đa mơ̆ng hdrtă bhiăn mtrŭn hră mơar tui si klei bhiăn.

Kơ bruă dăp mnuih mă bruă, dhar bruă gĭt gai bruă kƀĭn ala mâo klei hâo mdah kơ hdră hlak mblang, lŏ dơ̆ng tŭ mă klei blŭ mơ̆ng phung bi ala bruă kƀĭn ala ti anôk trông čhai hlăm êpul, êlâo kơ bruă kƀĭn ala bi mklă klei dăp mnuih mă bruă djŏ tui si klei dưi hlăm klei mplĕ hră hgăm. Leh klei trông čhai ti êpul, Khua êpul gơ̆ng klei ruah khua ala čar lehanăn bruă dăp mnuih mkăn dôk hlăm klei dưi leh klei djŏ ruah, Khua êpul gơ̆ng kiă kriê klei ruah khua ala čar srăng mâo klei akâo kơ bruă kƀĭn ala bi mklă anăn, k’iăng khua, lehanăn mnuih ngă bruă hlăm êpul gơ̆ng kiă kriê klei ruah khua ala čar./.