Mlam mbrue lehanăn čang rang aguah anei (29/9), angĭn êbŭ mrô 10 Bualoi hŏng ai ktang lehanăn hjan prŏng sui djŏ hlăm lu boh čar kwar krah, ba klei luič liê lu kơ mnuih lehanăn ngăn dŏ. Mơ̆ng aguah ưn mtam, ti čar Quảng Trị mâo leh 12 luič ka thâo ƀuh. leh angĭn êbŭ truh kơ čar Nghệ An – Hà Tĩnh, angĭn êbŭ dơ̆ng êdu, ƀiădah hjan prŏng ăt sui, ngă leh truh 13 čô mnuih djiê lehanăn luič, dua čô êka.

Êlâo anăn, Tlam hrue mbrue 28/9, ti Thanh Hóa, K'iăng khua knŭk kna Trần Hồng Hà kiă kriê leh klei bi kƀĭn klă anăp lehanăn online hŏng dŭm alŭ wăl mơ̆ng Thanh Hóa truh kơ Đà Nẵng kñăm mâo hdră mdrơ̆ng hŏng angĭn êbŭ mrô 10. K'iăng khua knŭk kna mtă kơ dŭm alŭ wăl, mđing bi leh jih jang bruă rơ̆ng čiăng bi mâo klei êđăp ênang kơ mnuih ƀuôn sang, boh nik hlăm dŭm alŭ wăl angĭn êbŭ kwăl. Dŭm alŭ wăl krĭng čư̆ čhiăng čŏng mbĕ mnuih ƀuôn sang, mprăp mnơ̆ng mnuă, êpul êya 4 tinăn mtam mdrơ̆ng bi pral, bi hmao, bi hrŏ klei truh tơl jŭ jhat kơ mnuih lehanăn ngăn dŏ./.