Klei kƀĭn bi klă 18 hdră mtrŭn yuôm bhăn kơ bruă knuă druh, hdră êlan mđĭ kyar, mkăp brei ngăn prăk leh anăn brei čan duh bi liê bruă knŭk kna, čuăl mkă, bi kluôm mnuih mă bruă bruă sang čư̆ êa alŭ wăl dua gưl leh mkŏ dăp, rơ̆ng kơ bruă lĭng kahan- klei êđăp ênang. Anei jing tur knơ̆ng hdră bhiăn yuôm bhăn čiăng đru kơ čar ruh mgaih klei dleh dlan, bi hluh ai dưi, mkŏ mjing boh kdrŭt bi leh dŭm mta kñăm thŭn 2025 leh anăn wưng thŭn 2021 – 2025.

Êpul gơ̆ng bruă ƀuôn sang čar mñă kơ bruă sang čư̆ êa čar kñăm hluê ngă hrăm mbĭt, boh nik jing bruă klam bi pral brei čan duh bi liê bruă knŭk kna, gĭr mâo 100% hdră kčah thŭn, čiăng hnưm ruh mgaih dŭm klei kpăk gŭn hlăm klei mă bruă bruă sang čư̆ êa gưl ƀuôn hgŭm, dăp djăp mnuih mă bruă čiăng ngă bruă jăk, mprăp jăk kơ klei ruah khua Bruă Kƀĭn Ala gưl 16 leh anăn Êpul gơ̆ng bruă ƀuôn sang dŭm gưl wưng thŭn 2026 – 2031.