Klei bi kƀĭn mâo klei hgŭm mơ̆ng 449 čô bi ala kơ êbeh 137.000 čô đảng viên hlăm kluôm anôk bruă Đảng, Nguyễn Văn Nên – Khua Êpul čih mkra hră mơar klei bi kƀĭn tal XIV mơ̆ng Đảng mbĭt hŏng phung khua dŭm Phŭn, dhar bruă Gưl dlông lehanăn dŭm čar. Klei bi kƀĭn bi mklă leh 3 bruă phŭn: Mđĭ kyar klei thâo mnuih mă bruă, mguôp hŏng hdră mlih mrâo hlăm knuă druh; Mtrŭt mđĭ hdră ba yua kdrăp mrâo, bi mlih mrô hlăm 3 bruă phŭn: Bruă knŭk kna mrâo, bruă duh mkra mrô, bruă yang ƀuôn mrô; Mđing kơ anôk bruă nah gŭ, boh nik dŭm ktuê êlan êran pral, êlan phŭn, êlan mkŏ dŭm wăl tuh tia mkra mjing, anôk bruă nah gŭ krĭng ƀuôn prŏng.

Blŭ hrăm gĭt gai Klei bi kƀĭn, Nguyễn Văn Nên, bi mni kơ dŭm boh tŭ čar dưi mâo mbĭt anăn mtă kơ Dak Lak mđĭ lar klei găl mơ̆ng “Dliê – êa ksĭ”, mtrŭt mđĭ hdră bi hgŭm krĭng, mđĭ klei thâo mnuih mă bruă lehanăn hluê ngă kjăp bruă mkra mlih klei bhiăn, wăl anôk duh bi liê. Klei kƀĭn hưn mthâo leh Klei bi mklă mơ̆ng Phŭn bruă kđi čar ruah phung khua Anôk dlăng bruă Đảng, Khua bruă Đảng, Kơiăng khua bruă Đảng wưng thŭn 2025-2030. Nguyễn Đình Trung, Khua hlăm Anôk bruă Đảng gưl dlông dưi ruah ngă Khua bruă Đảng čar Dak Lak wưng thŭn 2025-2030.