Hlăm mlan 8, hlăm čar mâo 85 gŏ sang rông mnơ̆ng mâo ŭn ruă tian, ba bi rai êbeh 1.100 drei. Mơ̆ng akŏ thŭn truh kơ ară anei, klei ruă ruă tĭng mâo ti 35 ƀuôn hgŭm ngă ba bi rai êbeh 2.500 drei ŭn.

Ară anei adôk 27 ƀuôn hgŭm mâo klei ŭn ruă tia ka êgao 21 hruê. Mbĭt hŏng klei ŭn ruă tian, lŏ mâo dŭm klei ruă tưp mkăn msĕ kblač ƀăng êgei, êlôč kčuôp, bŏk kđuč gŭ klĭt ăt mâo nanao klei arưp aram. Mta phŭn kyua mơ̆ng kman, êlan tưp dleh ksiêm dlăng, êjai klei rông mnơ̆ng hlăm gŏ sang lu, klei doh ka dưi rơ̆ng kjăp. Êngao kơ anăn, yan adiê amâo mâo jăk leh anăn kƀah phung mă bruă mdrao kơ mnơ̆ng rông ngă kơ bruă ktuê dlăng dleh dlan.