Kluôm čar ară anei mâo êbeh 3000 kŭm păn trah mă kan hŏng êbeh 12.500 čô mnuih mă bruă. Hlăm anăn, hlăm brô 500 kŭm păn leh anăn 2.800 čô mnuih mă bruă hlăm êa ksĭ; ênoh adôk jưh ti hang. Mbha hlue si krĭng, mâo 424 kŭm păn trah mă kan ti krĭng êa ksĭ Quảng Ngãi – ƀuôn prŏng Hồ Chí Minh; 24 kŭm păn trah mă kan ti krĭng êa ksĭ Đồng Tháp – An Giang; 70 kŭm păn ti krĭng êa ksĭ plao ksĭ Trường Sa. Jih jang ênoh kŭm păn trah mă kan anei dưi ba hlăm anôk jưh êđăp ênang; dŭm êbâo anôk rông kan hdang dưi bi kjăp. Kdrăp hâo hưn bi blŭ hrăm dưi mđĭ lar jăk, rơ̆ng hmao hâo hưn hŏng gưl dlông leh anăn bi hgŭm kjăp hŏng knŭk kna, êpul bruă djŏ tuôm hlăm klei msir mgaih klei mâo.

Hruê 25/8, lĭng kahan knông lăn čar Gia Lai iêo mthưr 3.397 kŭm păn hŏng êbeh 23.100 čô trah mă kan wĭt ti hang êlâo kơ angĭn êbŭ mrô 5 (angĭn êbŭ Kajiki). Čiăng bi mdrơ̆ng hŏng angĭn êbŭ mrô 5, êpul gĭt gai lĭng kahan knông lăn čar Gia Lai ba mdah leh 3 asăp mtrŭn mjêč, mñă kơ dŭm anôk bruă mđĭ hĭn klei ktuê dlăng, bi mrâo klei hưn yan adiê ti alŭ wăl knông lăn leh anăn krĭng êa ksĭ, mbĭt anăn hâo hưn, mtô kơ dŭm kŭm păn thâo bĭt anôk, êlan nao mơ̆ng angĭn êbu čiăng čŏng pô bi mdrơ̆ng, kbiă đuê̆ amâodah amâo nao hlăm anôk hŭi hyưt.

Êpul lĭng kahan knông lăn mtô leh kơ 626 kŭm păn hŏng 5.147 čô trah mă kan nao jưh ti dŭm kdŭn ksĭ êđăp ênang, mbĭt anăn lŏ iêo mthưr mâo 3.397 kŭm păn hŏng 23.104 čô trah mă kan wĭt ti hang êđăp ênang.