Klei bi kƀĭn prŏng phung bi ala bruă Đảng čar Daklak gưl tal 1, wưng păn bruă  thŭn 2025-2030, mkŏ mjing mơ̆ng hrue 29/9 - 1/10 hŏng 449 čô phung bi ala klă klơ̆ng, bi ala brei kơ êbeh 137.000 čô đảng viên hlăm kluôm bruă Đảng čar. Hŏng hdră êlan “Bi mguôp – Knŭk êngiê – mâo klei bhiăn kjăp – hđuh ai – mđĭ kyar”, čar Daklak bi mklă leh 4 mta phŭn kơ klei mđĭ kyar anăn jing: Mjăt bi hriăm mnuih mă bruă, kreh knhâo – kdrăp mrâo, mđĭ kyar bruă nah gŭ, lehanăn bi mlih klei bhiăn mă bruă.

K’iăng khua bruă Đảng čar, Khua knơ̆ng bruă sang čư̆ êa čar Tạ Anh Tuấn brei thâo hlăm wưng tinăp Daklak duh mĭn kơ dŭm bruă mđing tal êlâo hĭn kơ klei bluh đĭ, mâo atur kjăp kơ klei đĭ lar, boh nik duh bi liê bruă êlan klông, mđing bi leh dŭm kdrêč êlan phŭn, êlan dơ̆ng pral mkŏ Ngŏ hŏng Yŭ, mđĭ kyar kdrŭn êa ksĭ, tač êdeh phiơr, lehanăn dŭm kdrêč êlan mkŏ dưr hŏng dhŭng, Ƀuôn Ama Thuôt – Vân Phong. Mbĭt hŏng anăn, čar mđĭ mlih hdră êlan mă bruă, mlih mrâo klei kiă kriê kñăm mjing klei găl, ruh mgaih jih klei dleh dlan kơ phung duh mkra, iêo jak klei duh bi liê, mtrŭt klei đĭ kyar kjăp./.