Tui si anôk bruă kreh knhâo, kdrăp mrâo čar Daklak, mơ̆ng hrue 1/7 truh hrue 5/9/2025, dŭm anôk bruă djŏ tuôm hlăm čar mâo tŭ mă lehanăn mghaih msir leh truh giăm 25,5 êklăk hră mơar, hlăm anăn lu jing mă bruă hŏng online giăm 75%. Hnơ̆ng ênoh hră mơar mâo ngă hŏng online djăp ênoh čuăn truh hlăm kluôm čar 36%.

Anôk bruă ngă hră mơar mơ̆ng čar hưn mdah leh truh êbeh 2.100 hdră êlan ngă hră mơar, hŏng 1.867 hră mơar mâo ngă hŏng online, đru leh kơ mnuih ƀuôn sang, lehanăn phung duh mkra ênưih hlăm klei ksiêm dlăng, lehanăn mă bruă. Daklak čuăn kčah truh jih thŭn 2025, 100% anôk ngă hră mơar mơ̆ng knŭk kna mâo djăp klei găl dưi mă bruă hŏng online, hnơ̆ng ênoh hră mơar bi leh ƀiă êdi 70%, mjing leh klei bi mlih prŏng hlăm klei ngă hră mơar, čiăng bi mă bruă jăk hĭn kơ mnuih ƀuôn sang lehanăn phung duh mkra./.