Anei jing dŭm hdră bruă boh kdrŭt mâo ênoh duh bi liê dŭm pluh êbâo êklai prăk, ƀuăn srăng mkŏ mjing klei kdlưn hĭn hlăm bruă tuh tia leh anăn logistics kơ Lăn Dap Kngư leh anăn Kwar krah. Hlăm anăn hdră duh bi liê mkŏ mkra leh anăn mnia mblei wăl anôk bruă tuh tia Hoà Tâm – wưng tal 1 mâo hnơ̆ng yua lăn hlăm brô 492ha, ênoh duh bi liê hlăm brô 4.200 êklai prăk. Hdră mkăp brei bruă mkŏ mkra kơ bruă mkŏ mjing wăl tuh tia msei hjei Hoà Phát mâo hnơ̆ng 6 êklăk tôn hlăm sa thŭn, kluôm ênoh duh bi liê hlăm brô 84.000 êklai prăk.

Hdră duh bi liê rŭ mjing kdrŭn ksĭ Bãi Gốc mâo ênoh bi liê hlăm brô 16.300 êklai prăk. Dua hdră anei mơ̆ng êpul grŭp Hoà Phát duh bi liê. Mbĭt anăn, Dak Lak ăt mphŭn rŭ mjing anôk bruă tuh tia kdrăp mrâo mrang ti ƀuôn hgŭm Hoà Hiệp mơ̆ng Êpul grŭp N&G duh bi liê hŏng hnơ̆ng 250ha, ênoh duh bi liê giăm 2.400 êklai prăk. Dŭm hdră anei nao ngă bruă srăng mkŏ mjing ai lar bra đĭ kyar dŭm bruă mnia mblei, bruă mkăn mơ̆ng čar Dak Lak, mkŏ mjing bruă mă kơ dŭm pluh êbâo čô mă bruă ti alŭ wăl./.