Leh 5 hruê mkrah mă bruă, aguah 29/9,  Dhar bruă kƀĭn ala mjưh ruĕ klei bi kƀĭn tal 49, ksiêm dlăng 34 boh phŭn, hlăm anăn mâo 13 hră čih Hdră bhiăn mrăp kơ Klei bi kƀĭn mơ̆ng Klei bi kƀĭn tal 10.

Khua bruă kƀĭn ala Trần Thanh Mẫn mtă kơ dŭm anôk bruă mjêč tŭ mă djăp ênŭm klei blŭ bi tŭ ư, bi leh hưn mdah hŏng phung bi ala Bruă kƀĭn ala djŏ wưng kčah. Klei bi kƀĭn tal 10, Klei bi kƀĭn knhal tuč mơ̆ng Bruă kƀĭn ala gưl XV, mâo hnơ̆ng bruă knuă prŏng, ksiêm dlăng dŭm boh phŭn msĕ yang đar, ksiêm dlăng wưng păn bruă leh anăn bi mklă lu  hdră mtrŭn yuôm bhăn tă hdră hlăm wưng mrâo. Mĭn tĭng, bruă kƀĭn ala srăng ksiêm dlăng, bi mklă giăm 50 hră čih hdră bhiăn, hdră mtrŭn, hlăm anăn mâo lu hdră mtrŭn yuôm bhăn kñăm hmao hlue ngă hdră êlan mrâo mơ̆ng Gưl dlông kơ sang hră, mdrao mgŭn leh anăn ñŭ kma lu ala čar.