Bruă đru amâo mă prăk 3.320 ana mjeh sâm Ngọc Linh kơ 40 gŏ êsei ƀun, giăm ƀun djuê ana Sêdang ti 2 să Đăk Na leh anăn Văn Xuôi mâo Knơ̆ng bruă sang čư̆ êa kdriêk Tu Mrông ngă hlăm hruê 11/2/2025. Võ Trung Mạnh, Khua Knơ̆ng bruă sang čư̆ êa kdriêk Tu Mrông, brei thâo, bruă mkăp ana mjeh sâm Ngọc Linh hlue ngă mơ̆ng Hdră kñăm ala čar bi hrŏ ƀun hơĭt kjăp đru mkra mjing hlue si hdră ênoh yuôm leh anăn mâo ênoh giăm 1 êklai prăk.

Jih jang ênoh ana mjeh sâm Ngọc Linh đru kơ mnuih ƀuôn sang dưi mjut mjing 1 thŭn, rơ̆ng amâo mâo klei mnơ̆ng ngă leh anăn dôk hriê kơ prŏng. Leh mă mjeh sâm, 35 gŏ êsei  ti să Đăk Na leh anăn 5 gŏ êsei ti să Văn Xuôi mâo phung knuă druh hdră mnêč ktrâo lač kơ hdră pla, kriê dlăng ti gŭ êyui dliê sui thŭn ti alŭ wăll čư̆ Ngọc Linh.