Phung bi ala kơ mnuih ƀuôn sang bi êdah klei mơak ti anăp boh tŭ mđĭ kyar bruă duh mkra - ala ƀuôn, boh nik bruă bi mŭt, pŏk ngă gru hmô knŭk kna alŭ wăl 2 gưl.  Khădah snăn, lu klei blŭ lač leh bi mŭt, alŭ wăl ƀuôn hgŭm prŏng, hnơ̆ng bruă knuă prŏng, klei kpĭ lu kyua anăn brei mâo klei đru djŏ guôp kơ phung knuă druh, phung mă bruă knŭk kna, boh nik jing knuă druh thơ̆ng.

Phung bi ala kơ mnuih ƀuôn sang bi liê anôk bruă nah gŭ, kdrăp mnơ̆ng čiăng msir hră mơar pral; mđing uêñ mđĭ kyar êlan klông leh anăn logistics, hnưm pŏk ngă êlan dơ̆ng êran pral Ƀuôn Ama Thuôt - Nha Trang, Ƀuôn Ama Thuôt- Phú Yên, mđĭ êlan dơ̆ng êran pral 29 leh anăn bi liê kơ kdrŭn ksĭ Vũng Rô - Bãi Gốc  duh ba čhĭ mnơ̆ng dhơ̆ng lŏ hma kơ ala tač êngao. Hlăm bruă lŏ hma, brei đru kơ êpul bi hgŭm bruă, mkŏ mjing krĭng pla mjing djăp hnơ̆ng čuăn lu ala čar, bi liê kơ anôk mkra mjing, kriê dlăng leh anăn pŏk mlar hdră êlan brei čan prăk mă mnga hdjul.