Klei bi kƀĭn mkŏ mjing hlăm dua hrue 24 lehanăn 25/6 hŏng dŭm bruă msĕ si: Ksiêm wĭt bruă duh mkra ala ƀuôn 6 mlan akŏ thŭn, bi trông lehanăn bi mklă kơ hră mơar, klei čih mkra hdră mtrŭn bi mlih hdră duh bi liê hlăm wưng thŭn  2021-2025, hdră êlan đru kơ phung hđeh hriăm hră, phung hriăm gưl prŏng să Nhơn Châu hlăk dôk hriăm hlăm čar, mbĭt hŏng lu bruă mkăn.

Yap mơ̆ng hrue 1/7, 2 boh čar Bình Định lehanăn Gia Lai srăng jing čar Gia Lai mrâo, hŏng ênoh 135 boh ƀuôn hgŭm. Bruă bi mŭt mbĭt amâo mâo djŏ knŏng kơ alŭ wăl jing prŏng hĭn, ƀiădah lŏ mjing klei găl kơ čar mâo klei đĭ kyar pral hĭn hŏng klei ktang. Siămdah, hlăm jih bruă anăn, ăt tuôm hŏng lu klei lông dlăng tinăp mđing mghaih msir bi jih dŭm ênoh cuăn bruă duh mkra ala ƀuôn thŭn 2025, hŏng mta kñăm mđĭ kyar GRDP êbeh 8,5%.