Mâo hŏng anei 80 thŭn, leh klei tŭ dưi mơ̆ng klei krŭ kdơ̆ng Mlan 8, hruê 23/9/1945. Tỉnh bộ Việt Minh bi klă mkŏ mjing Êpul bruă lĭng kahan čar Dak Lak, kmeh gơ̆ng jing Tiểu đoàn giải phóng quân N’Trang Lơng. Găn hlăm dŭm ênuk gưl, êpul lĭng kahan čar bi êdah nanao ai tiê cách mạng, mâo lu klei đru mguôp hlăm dŭm klei kdơ̆ng mblah leh anăn hlăm bruă mkŏ mjing, răng mgang lăn čar.

Êpul lĭng kahan čar Dak Lak mâo Đảng, knŭk kna mđup brei lu klei pah mni yuôm bhăn msĕ si Mêđai mtŭ kñĭ, Mêđai Hồ Chí Minh, Mêđai Quân công, anăn knăl anôk bruă “Pô jhŏng ktang lĭng kahan yang ƀuôn”. Gưl anei, bi hdơr 80 thŭn hruê knhuah gru, Khua lăn čar mđup brei mê đai Răng mgang lăn čar mrô 2 kơ knơ̆ng gĭt gai lĭng kahan čar Dak Lak