Gia Lai akâo mbĕ 180 gŏ sang đuĕ mơ̆ng krĭng êa lip ti ƀuôn hgŭm Ia Hiao
Thứ sáu, 10:18, 19/09/2025
Pô mblang: Y-Khem Niê
Pô mblang: Y-Khem Niê
VOV.Êđê - Ti anăp klei êa kreh lip nanao hlăm lu thŭn êgao, knơ̆ng bruă sang čư̆ êa ƀuôn hgŭm Ia Hiao, čar Gia Lai mrâo mâo leh klei akâo kơ čar brei klei dưi, lehanăn mkăp ênoh prăk bi liê kơ bruă mbĕ, lehanăn mkŏ mkra anôk dôk mrâo kơ 180 gŏ sang mnuih ƀuôn sang krĭng êngăp êa.
Gưl adiê hjan prŏng akŏ mlan 9 leh êgao, ngă êa lip lu alŭ wăl mnuih ƀuôn sang dôk, ngă jhat rai truh 240 ha mdiê, êtak êbai mơ̆ng giăm 600 gŏ sang, mbĭt hŏng êlan klông knơ̆ng mbông êa klưh jhat.
Khua bruă Đảng ƀuôn hgŭm, Phạm Văn Phương, brei thâo, bruă mbĕ jing hdră jăk hĭn amâo lŏ lĕ ôh hlăm klei msĕ snăn. Alŭ wăl mâo leh klei čuăl mkă mbĭt, duah anôk hiăm êlan dơ̆ng prŏng mrô 25 lehanăn anôk dhar kreh ƀuôn hgŭm dăp mkŏ mkra anôk ala mrâo tinăn hŏng ênhă hlăm brô 580 m², rơ̆ng kơ klei dưi mâo anôk dôk, mâo đang hma, lehanăn alŭ wăl rông mnơ̆ng. Tơdah čar mkăp prăk, bruă anei srăng hlŏng ngă mtam, đru kơ mnuih ƀuôn sang hơĭt hlăm klei hdĭp, amâo lŏ rŭng răng ôh tơdah yan hjan êa lip./.
Viết bình luận