Bruă sang čư̆ êa čar Gia Lai mrâo mâo klei bi klă čoh ênoh wăl lăn prŏng êbeh 3ha čiăng ngă hdră rŭ mdơ̆ng anôk dôk mnia mblei leh anăn bruă hiu čhưn ênguê Quy Nhơn. Wăl lăn anei tuôm jing sang hră Cao đẳng Kỹ thuật Công nghệ Quy Nhơn, ară anei jing ƀuôn hgŭm Quy Nhơn Nam, čar Gia Lai.

Anei dưi dlăng jing sa hlăm dŭm anôk găl mơ̆ng alŭ wăl, ƀuăn srăng iêo jak lu phung duh bi liê. hdră rŭ mdơ̆ng anôk dôk mnia mblei leh anăn bruă hiu čhưn ênguê Quy Nhơn mâo ênoh duh bi liê mĭn tĭng êbeh 11.600 êklai prăk. Bruă bi lông blei wăl lăn anei hmăng hmưi srăng mkŏ mjing boh kdrŭt ktang kơ anôk mnia mblei sang lăn leh anăn bruă hiu čhưn ênguê mơ̆ng čar Gia Lai, mbĭt anăn đru mguôp kơ hnư hrui wĭt mơ̆ng alŭ wăl.