Êlâo kơ Klei bi kƀĭn bruă Đảng čar, wưng thŭn 2025-2030, aguah 30/9, Knơ̆ng bruă sang čư̆ êa čar Gia Lai mkŏ mjing leh Knăm ba yua 2 ktuê êlan phŭn jing Êlan prŏng čar mrô 633 mơ̆ng Núi Ghềnh truh kơ ktuê êlan ktuê hang ksĭ (Êlan dơ̆ng prŏng čar 639) lehanăn êlan Điện Biên Phủ nao truh ti krĭng ƀuôn prŏng Diêm Vân.

Anei jing 2 ktuê êlan phŭn, đru bi leh anôk bruă êlan klông, pŏk sa wăl anôk đĭ kyar mrâo kơ čar Gia Lai ti nah Ngŏ. Bi ala Knơ̆ng bruă sang čư̆ êa čar Gia Lai blŭ hrăm leh ti knăm anei, Nguyễn Tuấn Thanh, kơiăng khua Knơ̆ng bruă sang čư̆ êa čar Gia Lai mtă kơ phung duh bi liê, dŭm knơ̆ng, dhar bruă lehanăn alŭ wăl mbĭt hŏng dŭm êpul êya kriê dlăng ngă jăk hdră kriê dlăng, hluê ngă hdră tĭng yap klei duh bi liê djŏ hdră mtrŭn; ksiêm dlăng dŭm hdră čuăl mkă mkŏ mkra čiăng ba yua tŭ dưn dŭm ktuê êlan anei, đru bi sĭt mta kñăm ba Gia Lai jing čar đĭ kyar ti krĭng kwar Krah, đĭ kyar 2 mrô hlăm wưng ti anăp./.