Leh bi kluôm ênŭm, Bruă Đảng čar Gia Lai ară anei mâo 74 êpul bruă Đảng nah gŭ hŏng 10.800 đảngviên. Bi klă kluôm boh tŭ leh anăn klei êdu kƀah mơ̆ng wưng păn bruă êgao, Klei kƀĭn mdưm mta kñăm mâo knhuah kdlưn hĭn hlăm wưng thŭn 2025 – 2030. Hlăm anăn, đĭ kyar GRDP kah knar grăp thuŭn mâo êbeh 10%, hnư hrui wĭt kah knar thŭn 2030 mâo êbeh 6.300 USD, hlăm čar amâo mmâo gŏ sang ƀun, hnư hrui wĭt truh thŭn 2030 mâo êbeh 41.000 êklai prăk leh anăn mnia mblei mâo êbeh 17 êklai prăk.

Čiăng dưi mâo dŭm mta kñăm anăn, bruă Đảng čar Gia Lai bi klă 5 kmeh gơ̆ng phŭn mâo: Kñăm kơ bruă tuh tia mkra mjing, pui kmlă doh, bruă duh mkra mtâh, bán dẫn leh anăn Ai. Ba bruă hiu čhưn ênguê jing brư phŭn hŏng klei dlglă êa ksĭ, dliê kmrơ̆ng, dhar kreh. Mđing truh kơ bruă lŏ hma mrâo mrang, mnơ̆ng hlăm dliê hơĭt, mkŏ mjing krĭng pla mjing bruă lŏ hma – bruă tuh tia. Mkŏ mjing dŭm anôk logistics ktuê êlan dơ̆ng 19 leh anăn êlan pral Quy Nhơn - Pleiku. Wăl krah pral leh anăn hơĭt kjăp nao hŏng bruă sang lăn.

 Hồ Quốc Dũng, Khua bruă Đảng čar Gia Lai mñă kơ bruă Đảng Bruă sang čư̆ êa bi myuôm bruă klam, klei bi mguôp, mlih mrâo, kdlưn hĭn hlăm klei mĭn, ngă bruă ktang phĭt găn jih klei dleh dlan, lông dlăng. Čar knă ngă 6 bruă klam phŭn.

Hlăm anăn, čiăng mđĭ hnơ̆ng jăk đru kčĕ hdră êlan kơ bruă Đảng čar, Êpul khua bruă Đảng čar kơ mđĭ kyar bruh mkra ala ƀuôn, bruă lĭng kahan leh anăn ñu kma hŏng tar rŏng lăn, thâo kral dŭm anôk kpăk čiăng mâo hdră êlan ruh mgaih, kñăm kơ duh bi liê bruă knŭk kna, iêo jak klei duh bi liê mơ̆ng êngao, mtrŭt mđĭ klei bi mguôp knŭk kna – êngao knŭk kna, mđĭ kyar bruă mkŏ mkra, mkŏ krĭng, mlih mrô nao mbĭt hŏng bruă duh mkra mtah, dar, bruă duh mkra mrô, mđĭ kyar bruă lŏ hma kdrăp mrâo, bruă tuh tia mkra mjing, pui kmlă doh, bruă hiu čhưn ênguê, rơ̆ng hơĭt, mđĭ hnơ̆ng klei hdĭp mnuih ƀuôn sang, boh nik ti krĭng mnuih djuê ƀiă, krĭng tlaih kbưi. Hồ Quốc Dũng mñă ktang:

“Mñă kơ bruă Đảng Bruă sang čư̆ êa čar gưl rmâo mjêč hyuă kjăp hâo  hưn hdră mtrŭn mơ̆ng klei kƀĭn kluôm truh kơ phung knuă druh, đảng viên leh anăn mnuih ƀuôn sang mkŏ mjing hdră ngă bruă leh anăn hluê ngă hŏng grăp bruă klam. Bi klă mmông leh anăn ai dưi, mkŏ mjing hdră ktuê dlăng, ksiêm dlăng, mtrŭt mjhar jêñ jêñ, hmao ruh mgaih dŭm klei dleh kpăk, rơ̆ng kơ hdră mtrŭn hnưm nao hlăm klei hdĭp, mkŏ mjing klei mlih mơ̆ng dŭm hruê tal êlâo, mlam tal êlâo, wưng tlâo mlan tal êlâo.”

          Hŏng knhuah gru bi mguôp, klei hmăng hmưi đĭ kyar, ai tiê mlih mrâo leh anăn hdră ngă bruă, bruă Đảng Bruă sang čư̆ êa čar Gia Lai srăng bi lar bruă klam kmeh gơ̆ng, nao êlâo, mlih mrâo bruă knŭk kna, gĭr ngă tŭ dưn dŭm mta kñăm, bruă klam mơ̆ng hdră mtrŭn wưng păn bruă 2025 – 2030, đru mkŏ mjing čar Gia Lai đĭ kyar pral, mtah, kjăp, jing čar đĭ kyar mơ̆ng lăn čar.