Čar Gia Lai mĭn tĭng bi liê êbeh 11 êbâo êklai prăk čiăng ruh mgaih anôk ala leh anăn đru mkŏ mjing anôk dôk mrâo kơ mnuih ƀuôn sang pŏk ngă dua êlan dơ̆ng prŏng găn alŭ wăl. Dua êlan dơ̆ng êran pral Quy Nhơn – Pleiku leh anăn êlan êdeh treng Dưr - Dhŭng găn Gia Lai. Hlăm anăn, hdră bruă êlan dơ̆ng  êran pral Quy Nhơn – Pleiku mâo boh dlông 125 km, ênoh bi liê êbeh 43 êbâo êklai prăk, ênoh bi liê tla hnô, ruh mgaih anôk ala leh anăn lŏ mkra mjing anôk dôk mrâo hlăm brô 4.700 êklai prăk. Truh ară anei, bruă mprăp kdrăp mnơ̆ng, mkă , ksiêm yap bi leh.

Čar dôk guôn Knŭk kna bi mklă Hdră mtrŭn čiăng rŭ mdơ̆ng. Hŏng ktuê êlan dơ̆ng êran pral, kdrêč găn Gia Lai taih 115 km. Prăk bi liê ruh mgaih anôk ala mâo hlăm brô 6.400 êklai prăk. Čar čuăl mkă leh 38  wăl anôk dôk mrâo, duh kơ giăm 1.600 gŏ êsei mnuih ƀuôn sang hmăi djŏ. Ară anei 27 wăl dưi bi mklă. Dua ktuê êlan dưi rŭ mdơ̆ng pŏk lu klei găl đĭ kyar mrâo kơ čar Gia Lai./.