Leh êbeh 2 mlan ngă bruă knŭk kna dua gưl, bruă mă, msir hră mơar ti dŭm să, ƀuôn hgŭm čar Gia Lai mâo klei tŭ dưn jăk. Hjăn hŏng dŭm să, ƀuôn hgŭm, Knơ̆ng bruă sang čư̆ êa čar Gia Lai mtă brei pral mâo Anôk bruă duh kơ bruă knŭk kna hjăn čiăng yua tŭ dưn.

Hlue si Knơ̆ng bruă sang čư̆ êa čar Gia Lai, dŭm Anôk bruă ngă hră mơar knŭk kna gưl să ti čar dôk ngă bruă jăk, hŏng ênoh msir mgaih djŏ wưng mâo êbeh 95%. Lâm Hải Giang, K’iăng Khua Knơ̆ng bruă sang čư̆ êa čar Gia Lai brei thâo, hră mơar, hră lăn ala mâo ênoh dôk kpăk đuôm lu hĭn kơ bruă mkăn, ka ngă djŏ ôh klei čiăng kơ mnuih ƀuôn sang, boh nik dŭm ƀuôn hgŭm phŭn. Mbĭt anăn brei dŭm să, ƀuôn hgŭm adôk mâo klei anei brei pral mkŏ mjing anôk bruă ngă hră mơar knŭk kna hjăn pô kñăm ba hdră bruă knŭk kna  giăm mnuih ƀuôn sang, bi hrŏ hruê mmông leh anăn prăk găn êrô.