
Mơ̆ng hruê 1/7, jih jang 135 anôk bruă knŭk kna gưl ƀuôn hgŭm ti alŭ wăl čar Gia Lai mrâo klă klơ̆ng ngă bruă. Anei jing bruă hrăm mbĭt ngă klei bi hmô bruă sang čư̆ êa alŭ wăl dua gưl, mđing truh mlih mrâo klei ngă hră mơr knŭk kna đru kơ mnuih ƀuôn sang thơ̆ng kơ bruă, tŭ dưn hĭn. Dŭm knơ̆ng, dhar bruă čar Gia Lai tiŏ nao leh knuă druh thơ̆ng kơ bruă đru ngă hră mơar lăn ti dŭm ƀuôn hgŭm mơ̆ng hruê 2/7 – 30/8.

Knuă druh srăng mă bruă ti anôk bruă čiăng mtô kơ phung mă bruă leh anăn mnuih ƀuôn sang ngă djŏ hdră, mbĭt anăn hlăk mblang klei čuăn hdră bhiăn lăn čar mrâo. Čar ăt dưn yua klei mrâo mrang čiăng ktuê dlăng klei ngă bruă knŭk kna gưl nah gŭ. Êlâo kơnăn, mơ̆ng hruê 20 – 25/6, jih jang 135 anôk bruă dưi lông ngă bruă. Boh tŭ brei ƀuh klei ngă bruă hơĭt, mgaih msir dŭm êtuh hră mơar, amâo mâo klei kpăk amâodah êmưt.
Viết bình luận