Êlâo adih, čar brei 16 anôk bruă duh mkra pŏk 44 hdră bruă hŏng ênhă êbeh 25.500 ha. Khă snăn, truh ară anei knŏng mâo hlăm brô 7.900 ha, hlăm brô 1/3 đĭ jing jăk, lu ênhă adôk ana djiê amâo dah amâo đĭ jing. Lu anôk bruă duh mkra akâo bi mlih ênhă amâo tŭ dưn ba pla ana boh kroh, rông mnơ̆ng ƀiădah kpăk gun hlăm klei ngă hră mơar lehanăn bruă klam pla dliê bi hrô.

Khua anôk bruă sang čư̆ êa čar Gia Lai jao kơ Knơ̆ng bruă Lŏ hma – wăl hdĭp mda bi hgŭm hŏng anôk bruă djŏ tuôm bi mklă mta lăn, hnơ̆ng mâo, mta phŭn kruh rai amâo đĭ jing lehanăn ba mdah hdră bi mlih, čuăl mkă, mđĭ boh tŭ bruă duh mkra. Mbĭt anăn, brei ba mdah krĭng lăn lŏ jao kơ alŭ wăl, đru msir mghaih klei kƀah lăn pla mjing kơ mnuih ƀuôn sang djuê ƀiă./.