Hlăm ênoh giăm 2.900 čô hlăk ai nao mŭt kahan ti čar Gia Lai thŭn anei, mâo 2.400 čô nao mŭt hlăm dŭm anôk bruă kahan msĕ si kahan êpul mrô 34, kahan alŭ wăl 5, kahan răng mgang wăl adiê, kahan răng mgang knông lăn čar Gia Lai; lehanăn 469 čô nao mŭt hlăm dŭm anôk bruă kahan ksiêm. Năng mđing hĭn êdi, hlăm gưl bi mŭt kahan thŭn anei, čar mâo 36 čô hlăk ai jing đảng viên.

Čiăng mprăp jăk kơ hrue bi mŭt kahan, dŭm alŭ wăl hlăm čar mâo leh klei bi mguôp hŏng dŭm boh să, wăl krah mkŏ mjing klẻi bi mtuôm ƀô̆ mta, mđup brei mnơ̆ng, lehanăn mđĭ ai dŭm găp djuê mâo anak aneh nao mŭt kahan, lehanăn lŏ mđĭ ai hâo hưn kơ hdră bhiăn lĭng kahan, mđĭ klei thâo săng kơ mnuih ƀuôn sang lehanăn hlăk ai hlăm thŭn djŏ mŭt kahan./.