Hlue anăn, 56 hdră bruă hŏng êbeh 3.100 êklai prăk mâo jao; 4 hdră bruă (381 êklai prăk) jao kơ Anôk bruă kriê dlăng mkŏ mjing čar leh anăn 52 hdră bruă (2740 êklai prăk) jao kơ dŭm să, ƀuôn hgŭm. Êngao anăn, 34 hdră bruă hŏng prăk bi liê 667 êklai prăk hlăm dŭm hdră kñăm ala čar, hŏng giăm 400 hdră bruă điêt êlâo dih jao kơ kdriêk, wăl krah, ƀuôn prŏng ară anei ăt jao kơ să, ƀuôn hgŭm hlue ngă.

Khua Knơ̆ng bruă ngăn prăk Gia Lai Trần Cang brei thâo, bruă mkra mlih anei srăng lŏ dăp bruă klam kriê dlăng, mđĭ mbha gưl kơ anôk bruă nah gŭ, mđĭ boh tŭ bi liê prăk, mguôp hŏng gru hmô knŭk kna dua gưl. Ñu mñă: “Prăk bi liê ti anôk, jao kơ knŭk kna snăn anăn gĭt gai, mkŏ mjing hlue ngă”, mbĭt anăn brei să djăp klei găl mkŏ mjing anôk bruă kriê dlăng hdră bruă amâodah mưn anôk bruă thơ̆ng kăp đru.