Hluê si klei ba mdah, hdră anei dưi duh bi liê hluê hdră knŭk kna – êngao knŭk kna, klei kuôl kă BOT mâo prăk duh mơ̆ng knŭk kna. Ktuê êlan êran pral Nha Trang- Đà Lạt êbeh 80km, anôk tal êlâo mkŏ hŏng êlan êran pral Dưr – Dhŭng nah Ngŏ ti să Diên Thọ, Khánh Hòa, anôk knhal tuič mkŏ hŏng êlan êran pral Liên Khương – Prenn ti ƀuôn hgŭm Xuân Hương, čar Lâm Đồng. Ktuê êlan anei dưi êran 80–100km/h, mâo 4 grông êlan, ênoh duh hlăm brô 25.000 êklai prăk.

Wưng mprăp mơ̆ng thŭn 2024 truh 2025, tĭng srăng ngă hlăm wưng thŭn 2026–2028. Bruă mkra êlan êran pral Nha Trang – Đà Lạt amâo djŏ knŏng mkăp kơ klei čiăng êrô êbat, dŭ mdiăng mnơ̆ng brư̆ hruê ƀrư̆ đĭ, ƀiădah lŏ pŏk klei găl đĭ kyar kơ 2 wăl anôk hiu čhưn ênguê prŏng mơ̆ng ala čar, mjing boh kdrŭt đĭ kyar kơ kluôm krĭng Dhŭng kwar krah lehanăn Lăn dap kngư./.