Bruă tal êlâo jing čuk hli giăm 20.000m², hlăm anăn mâo êbeh 18.000m² ksĭng hlăm êa ksĭ kplang Cam Ranh, mbĭt hŏng dŭm bir boh tâo mâo boh taih êbeh 500m. Anei jing atur pioh rŭ mkra hjiê êa săng, êa pui hlăm wưng ti anăp. Bruă anei hŏng ênoh duh bi liê êbeh 150 êklai prăk.

Tơdah leh ruĕ mkra dua kdrêč bruă anei, anôk rŭ mkra anei srăng dưi mgơ̆ng hlăm brô 15.000m³, hlăm ênhă prŏng hĭn jing 12.000m², boh dơ̆ng amâo mâo êgao kơ 17,2m. Kdrêč bruă tal 1 srăng bi leh hlăm 23 mlan, bi bruă ksĭng hlăm êa ksĭ bi leh hlăm 10 mlan. Kdrêč bruă tal 2 srăng ngă mtam leh kơ anăn, lehanăn tĭng srăng bi leh hlăm mlan 8/2026. Anôk anei čang hmăng srăng jing hjiê êa săng êa pui prŏng, pioh mkăp êa săng kơ êdeh phiơr ti tač êdeh phiơr Cam Ranh, đru kơ bruă čhĭ mnia êa săng êdeh phiơr, lehanăn bruă logistics alŭ wăl dhŭng kwar krah./.