K’iăng khua knŭk kna Nguyễn Hòa Bình nao ksiêm dlăng leh dua anôk dôk mă bruă prŏ ng, jing anôk rŭ mdơ̆ng alŭ wăl anôk dôk Cồn Tân Lập (Ƀuôn hgŭm Nha Trang) lehanăn alŭ wăl ƀuôn prŏng mrâo Mỹ Gia (ƀuôn hgŭm Tây Nha Trang). Bruă rŭ mkra alŭ wăl anôk dôk Cồn Tân Lập mâo klei soh čhuai hlăm klei bi lông hrŏng ruah pô duah mkra, lu mta bruă mdei hĕ hlai klei mă bruă sui. Mnuih ƀuôn sang alŭ wăl ăt čang hmăng kơ bruă rŭ mkra anei pral lŏ dơ̆ng mă bruă čiăng bi leh bruă mjing ƀuôn prŏng. Alŭ wăl dôk rŭ mdơ̆ng ƀuôn prŏng mrâo Mỹ Gia ăt tuôm hŏng klei gun kpăk hlăm klei kơ ngăn prăk, hlăk mâo dŭm êpul êya bruă lŏ dơ̆ng ksiêm.

Kluôm čar Khánh Hòa ksiêm wĭt leh bruă klam, mâo klei akâo kơ dŭm gưl mâo klei dưi mghaih msir ƀuah mkra, hrui wĭt prăk luič liê mâo 1.100 êklei prăk. Siămdah hlăm klei mghaih msir dôk tuôm hŏng lu klei dleh kpăk kyua đa đa bruă amâo mâo ngă klei bi lông hrŏng ruah ôh pô duh mkra. K’iăng khua knŭk kna Nguyễn Hòa Bình mñă hdră êlan mơ̆ng knŭk kna jing mđing ruh mgaih klei dleh dlan dŭm mta bruă adôk ka leh, kñăm đăm lŏ lĕ hlăm klei bi liê hơăi mang ai tiê yang ƀuôn, lehanăn lŏ mđĭ hĭn ai ktang kơ klei đĭ kyar:

 “Mă mơ̆ng klei hriăm bruă ruh mgaih jih jang klei dleh dlan hluê hdră mtrŭn mrô 170, mâo lu alŭ wăl, hlăm anăn mâo wăt Khánh Hòa jing mơ̆ng Khánh Hòa hđăp,  Ninh Thuận drei lŏ dơ̆ng mâo dŭm bruă mkăn ăt lĕ hlăm klei dleh kpăk, čiăng bi ruh mgaih mơh. Tơdah klei gun kpăk dôk nanao snăn, snăn jing klei luič liê hơăi mung mang kơ ai tiê mă bruă. Dua leh luič hrue mmông hơăi, lehanăn dôk dleh kpăk nanao, ngă kơ mnuih ƀuôn sang ƀuah ăl êdi.”

          Bruă tuh mkra lehanăn bruă pui kmlă jing dua hlăm pă kmeh gơ̆ng phŭn kơ klei đĭ kyar, mâo bi êdah leh hlăm hdră mtrŭn mrô 01 mơ̆ng bruă Đảng čar Khánh Hòa. Ară anei kluôm čar mâo leh 33 anôk duh mkra mâo čuăl mkă, ênoh jih jang mâo ênha êbeh 1.400 ha. Bi hlăm bruă pui kmlă, čar mâo čuăl mkă leh truh 60 mta bruă hŏng ai dưi bi êran jing êbeh 8.525 MW. Hồ Xuân Ninh, Khua knơ̆ng bruă duh mkra mnia mblei čar Khánh Hòa brei thâo, hlăm klei lŏ ksiêm wĭt, iêo jak klei duh bi liê êjai, čar hlăk mjing atur knơ̆ng pioh kơ klei tuh tia lehanăn bruă pui kmlă srăng jing dua kmeh knơ̆ng kơ klei đĭ kyar, đru atăt bruă duh mkra alŭ wăl mâo klei đĭ hiưn hlăm wưng mrâo.

Čar Khánh Hòa dôk ruh mgaih dŭm mta bruă dôk dleh kpăk, boh nik hlăm bruă duh mkra, lehanăn bruă pui kmlă, păt dah mâo mghaih msir leh ênŭm. Knŏng adôk mă ƀiă mta bruă, snăn knơ̆ng bruă duh mkra mnia mblei srăng lŏ dơ̆ng kčĕ kơ knơ̆ng bruă sanh čư̆ êa čar ruh mgaih, kñăm mjing klei găl kơ klei ngă bruă, lehanăn ba jih jang bruă dôk ngă dưi đru mguôp kơ klei mđĭ kyar. Leh klei bi mŭt mbĭt dua boh čar Ninh Thuận lehanăn Khánh Hòa, jih jang bruă dôk ngă lŏ dơ̆ng ksiêm wĭt, lŏ dơ̆ng mlih mkra, lehanăn mkă dlăng hŏng klei bhiăn čiăwng bi djŏ hlăm klei mă bruă”.

Bi trông kơ hdră ruh mgaih jih jang anôk gun kpăk, ba bruă duh mkra lehanăn bruă pui kmlă klă sĭt jing dua kmeh gơ̆ng phŭn kơ bruă mđĭ kyar, knơ̆ng bruă sang čư̆ êa čar Khánh Hòa mtă kơ dŭm knơ̆ng dhar bruă lŏ ksiêm jih jang bruă djŏ tuôm, msĕ si kơ klei ngă hră mơar, kơ anôk bruă nah gŭ, kơ mnuih mă bruă, kơ klei ruh mgaih anôk ala, lehanăn bi klă bruă čuăn hŏng klei klă mngač, ngă mtam tal êlâo dŭm bruă jing mjêč, lehanăn dŭm bruă dlăng jing mâo klei tŭ dưn hĭn ktuh êyuh mă bruă mtam. Dŭm