Mlir knơ̆ng bruă duh mkra mia mblei Mặt trời Phú Quốc leh anăn knơ̆ng bruă duh mkra mnia mblei Mặt trời Hạ Long dưi jao ngă bruă rŭ mdơ̆ng wăl krah mrâo Đầm Mông leh anăn Tu Bông hŏng ênoah duh bi liê êbeh 65.300 êklai prăk. Jih dua hdră mâo sang dôk, anôk mnia mblei, hiu čhưn ênguê, mdrao mhŭn, ana kyâo mtah, war mnga leh anăn bruă mkŏ mkra hrăm mbĭt.

Wưng ba yua jing 50 thŭn yap mơ̆ng hruê jao lăn, mĭn tĭng phŭn ngă bruă mơ̆ng thŭn 2025 leh anăn bi leh ti knhal jih thŭn 2034. Trần Minh Chiến, khua êpul kriê dlăng anôk bruă duh mkra leh anăn dŭm anôk bruă tuh tia čar Khánh Hoà brei thâ, dua hdră anei srăng đru ba Anôk bruă duh mkra Vân Phong jing anôk bruă mnia mblei, hiu čhưn ênguê, mbt anăn ngă dŭm hdră êlan phŭn mâo Bruă Kƀĭn Ala brei leh kơ Khánh Hoà.