Klei Khua anôk bruă kƀĭn ala Trần Thanh Mẫn nao ti Klei bi kƀĭn Êpul hgŭm AIPA - 46 mñă klă leh hdră êlan hŏng tač êngao klah hjăn, ngă phŭn mil pô, êđăp ênang, bi hgŭm lehanăn đĭ kyar, lu jơr mơ̆ng Việt Nam; lŏ dơ̆ng ba klei bi mjĕ mŭt êlam hĭn. Hlăm gưl hiu čhưn, Khua anôk bruă kƀĭn ala Trần Thanh Mẫn mao leh klei bi tuôm, bi trông hŏng Khua bruă kƀĭn ala nah dlông Malaysia, Khua bruă kƀĭn ala nah gŭ Malaysia lehanăn phung khua gưl dlông mkăn mơ̆ng Malaysia.

Anei jing klei găl čiăng kơ dua tĭng lŏ bi kjăp klei đăo knang, pŏk mlar hdră bi hgŭm mơ̆ng bruă kƀĭn ala dua ala čar. Leh truh ti Malaysia, Khua bruă kƀĭn ala Trần Thanh Mẫn mbĭt hŏng mô̆ lehanăn êpul bi ala gưl dlông ala čar drei bi tuôm leh hŏng phung knuă druh, mnuih mă bruă ti Anôk bruă bi ala Việt Nam ti Malaysia, bi ala êpul êya mnuih Việt Nam ti Malaysia.