Anei jing wăl anôk hƀuê ênuk siă suôr hŏng Khua gĭt gai Hồ Chí Minh lehanăn Gưl dlông hlăm ênuk kdơ̆ng mblah mtlaih êngiê djuê ana, anôk mkŏ mjing Klei bi kƀĭn prŏng ala čar hruê 16/8/1945 – tur knơ̆ng čiăng mkŏ mjing Anôk bruă kƀĭn ala Việt Nam. Blŭ hrăm ti knăm anei, Khua anôk bruă kƀĭn ala bi mni klei gĭr mơ̆ng Tuyên Quang hlăm bruă rơ̆ng kjăp, mđĭ lar knhuah cách mạng, mbĭt anăn mñă bruă đua klam mơ̆ng alŭ wăl hlăm hdră mjuăt bi hriăm knhuah gru kơ ênuk gưl hđeh.

Ñu mtă kơ čar pŏk ngă tŭ dưn dŭm asăp mtrŭn mơ̆ng Khua gĭt gai Đảng Tô Lâm, hluê ngă kjăp dŭm klei bhiăn, hdră mtrŭn mơ̆ng Anôk bruă kƀĭn ala mâo ba mdah. Khua anôk bruă kƀĭn ala mñă, anôk bruă kƀĭn ala srăng bi hgŭm hng Tuyên Quang lŏ mkra mđĭ, mkŏ mjing hdră nao čhưn dlăng, đru lar bra boh tŭ yuôm hƀuê ênuk mơ̆ng krĭng lăn Tân Trào truh hŏng êpul êya./.