Blŭ hrăm hlăm knăm mphŭn ba yua, khua bruă kƀĭn ala Trần Thanh Mẫn mñă, Việt Nam lehanăn Campuchia jing dua lala čar riêng gah, mâo klei bi mguôp leh mơ̆ng đưm, găn lu dŭm gưl phung khua kiă kriê, lehanăn mnuih ƀuôn sang dua ala čar mâo leh klei ksul mbŭ jăk siam, jing leh ngăn dưn yuôm bhăn kơ dua djuê ana.

Đảng, knŭk kna, bruă kƀĭn ala lehanăn mnuih ƀuôn sang Việt Nam čang hmăng Sang anôk bruă kƀĭn ala Campuchia srăng jing klei bi knăl kơ klei bi mguôp, hgŭm mbĭt kluôm dhuôm dua ala čar Việt Nam-Campuchia. Blŭ hrăm hlăm knăm anei, Khua bruă kƀĭn ala Campuchia Khuon Sudary bi êdah klei thâo knga prŏng prĭn hŏng Đảng, knŭk kna lehanăn mnuih ƀuôn sang Việt Nam ayŏng adei đru leh hlăm bruă rŭ mdơ̆ng sang bruă kƀĭn ala  Campuchia; yap anei jing mnơ̆ng bi knăl kơ klei hgŭm mbĭt, thâo bi mguôp siă suôr, phĭt kjăp mơ̆ng dua ala čar Campuchia-Việt Nam.