Khua knŭk kna Japon I-si-ba hơ̆k mơak kkuh drông Khua bruă kƀĭn ala Trần Thanh Mẫn hrie čuă leh ala čar Japon; brei thâo mâo nanao hlăm dŭm gưl giăm anei hlăm lu klei bi kƀĭn, mâo leh mmông găl bi tuôm hŏng khua lăn čar Lương Cường lehanăn khua knŭk kna Phạm Minh Chính, bi lač klei bi mguôp dua ala čar mâo klei đĭ kyả jăk siam, mâo leh klei thâo bi mguôp kjăp phung khua kiă kriê dua nah.

Khua bruă kƀĭn ala Trần Thanh Mẫn čang hmăng kơ Japon lŏ dơ̆ng đru kơ Việt Nam hlăm bruă tuh tia ênuk mrâo, mâo klei bi hgŭm prŏng hĭn, duh bi liê bruă nah gŭ, bruă pui kmlă doh, anôk bruă mkăp pioh ênoh bruă, chíp bán dẫn… jing jih jang bruă Japon mâo klei ktang. Japon đru kơ Việt Nam hgŭm hlăm bruă ba yua chất bán dẫn tar rŏng lăn. Ti anôk bi tuôm, dua nah bi tŭ ư lŏ hyuă kjăp hĭn klei bi tuôm djăp gưl, hyuă kjăp bruă bi hgŭm, bi mjĕ êrô mnuih ƀuôn sang./.