Aguah mbrue 22/9, bruă Đảng Khánh Hòa kpŏk leh klei bi kƀĭn prŏng gưl tal 1, wưng păn bruă 2025-2030, mâo khua bruă kƀĭn ala Trần Thanh Mẫn mbĭt hŏng lu phung khua phŭn bruă lehanăn 396 čô phung bi ala. Blŭ hrăm gĭt gai, Khua bruă kƀĭn ala bi mni kơ dŭm boh tŭ dưn mơ̆ng čar Khánh Hòa hlăm 5 thŭn êgao, lehanăn mñă klei bi kƀĭn prŏng anei jing bruă yuôm bhăn, pŏk kơ sa wưng mđĭ kyar mrâo.

Khua bruă kƀĭn ala Trần Thanh Mẫn kčĕ brei mâo 6 mta bruă čuăn prŏng, hlăm anăn mđing kơ dŭm bruă mkŏ mjing Đảng, jih jang bruă kđi čar doh mngač, lehanăn bruă knuă druh jing bruă knơ̆ng. Khánh Hòa lŏ mđĭ hĭn klei găl hŏng hang ksĭ dlông giăm 500 km, lu kplang, lehanăn pla ksĭ, boh nik plao ksĭ Trường Sa, čiăng mđĭ kyar bruă duh mkra êa ksĭ, duh mkra bruă pui kmlă, bruă mkra mjing, bruă kdrăp mrâo, logistics lehanăn bruă hiu čhưn ênguê kar dưl hŏng tač êngao, bi mklă kơh\m mrâo hlăm klei mlih mrâo lehanăn ñŭ kma./.