Khua gĭt gai tal sa, Khua lăn čar  Cuba bi mni kơ dŭm boh tŭ dưn mơ̆ng Việt Nam, ti gŭ klei kiă kriê mơ̆ng Đảng Cộng sản Việt Nam hlăm bruă rŭ mdơ̆ng lehanăn mđĭ kyar lăn čar, dlăng anei jing gru bi hmô jăk mơ̆ng bruă mlih mrâo, mơ̆ng cộng sản tar rŏng lăn, lehanăn bi êdah klei thâo bi mguôp, klei bi đru mơ̆ng Việt Nam kah leh kơ Cuba hlăm dăl dŭm thŭn êgao.

Khua gĭt gai Đảng Tô Lâm lŏ mñă hdră êlan lehanăn klei mĭn mơ̆ng Việt Nam sa ai hŏng jih jang hdră mtrŭn mơ̆ng Êpul knơ̆ng bruă hgŭm lu ala čar, kơ bruă mjưh mdei klei bi kdơ̆ng hŏng Cuba. Anăp truh kơ klei bi hdơr 65 thŭn hrue mkŏ mjing klei mjĕ mgiăm msĕ si aguah tlam Việt Nam - Cuba (02/12/1960 - 02/12/2025), Khua kiă kriê Đảng, dua ala čar bi mđĭ ai leh bruă knuă mơ̆ng grăp ala čar, lŏ hyuă klei thâo bi mguôp kjăp hĭn plah wah dua ala čar. Dua nah lŏ dơ̆ng ngă lŏ bruă mđĭ hĭn klei thâo bi mguôp hlăm kđi čar, hlue ngă dŭm bruă gưl dlông dua nah bi tŭ ư leh, Khua gĭt gai Đảng Tô Lâm truh kơ Cuba hlăk mlan 9/2024; mkŏ mjing leh dŭm bruă bi hdơr, ngă klei bi mguôp mnuih ƀuôn sang hlăm klei bi hgŭm Việt Nam - Cuba 2025.