Pô mblang: Y-Khem Niê
VOV.Êđê - Aguah 02/9, ti Anôk bruă Đảng gưl dlông, Khua gĭt gai Đảng Tô Lâm mâo leh klei bi blŭ hrăm hŏng khua gĭt gai Lào Thongloun Sisoulith ƀri hriê čhưn ti Việt Nam nao hlăm knăm bi hdơr 80 thŭn hrue kgŭ krư̆ kdơ̆ng mlan 8 lehanăn hrue mkŏ mjing lăn čar hrue 02/9.
Thongloun Sisoulith hơêč hmưi lehanăn lač ti gŭ klei kiă kriê klă mngač, lehanăn mbruă mơ̆ng Đảng Cộng sản Việt Nam, hlăm dăl 95 thŭn êgao, lehanăn 80 thŭn rŭ mdơ̆ng lăn čar, Việt Nam mâo leh lu boh tŭ dưn prŏng prĭn, lehanăn mâo klei mlih mrâo kluôm dhuôm, hơĭt bruă kđi čar, mâo klei đĭ kyar pral lehanăn kjăp, pŏk mlar klei mjĕ mgiăm hŏng ala tač êngao lehanăn kơhưm mơ̆ng Việt Nam đĭ kyar amâo mâo mdei hŏng ala tač êngao, anei jing klei hriăm yuôm bhăn hŏng ala čar Lào năng lŏ mâo klei gĭr prŏng hĭn, mđĭ kyar lehanăn rŭ mdơ̆ng lăn čar.
Dua čô khua kiă kriê mñă lŏ dơ̆ng bi hgŭm kjăp hŏng ala tač êngao, răng mgang kjăp klei êđăp ênang mđĭ kyar klei tŭ dưn kơ lăn čar lehanăn mnuih ƀuôn sang dua ala čar. Mơ̆ng atur kjăp anăn, dua ala car bi mguôp hlăm klei mă bruă hŏng ala tač êngao, kyua kơ klei êđăp ênang, hơĭt kjăp hgŭm mbĭt mđĭ kyar alŭ wăl lehanăn tar rŏng lăn./.
Viết bình luận