Klei bi tuôm anei mâo mkŏ mjing ƀri bi hdơr 80 thŭn hrue kgŭ krŭ kdơ̆ng mlan 8, lehanăn hrue mkŏ mjing lăn čar hrue 2/9, kñăm lŏ bi hdơr knhuah gru hƀuê ênuk kdrăm k’ah, lehanăn bi êdah klei hdơr knga mơ̆ng Đảng, Knŭk kna hŏng dŭm gưl nao êlâo.

Khua gĭt gai Đảng Tô Lâm čih pioh bi myuôm dŭm klei đru mguôp yuôm bhăn mơ̆ng phung dĭng kna khua phŭn hlăm cách mạng hlăm klei bi blah sua wĭt klei êngiê kơ djuê ana, lehanăn rŭ mdơ̆ng lăn čar. Ñu ăt hưn mthâo kơ boh klei lăn čar ară anei, kah mbha dŭm klei găl, klei myun, lehanăn wăt klei dleh dlan, klei lông dlăng. Khua gĭt gai Đảng bi êdah klei čang hmăng kơ phung bi ala lŏ dơ̆ng dưn yua ai tiê klei mĭn pô mđrăm mbĭt hŏng Đảng lehanăn mnuih ƀuôn sang, đru rŭ mdơ̆ng lăn čar mdrŏng sah, jăk yâo, kjăp knhuang hlăm ênuk gưl mrâo./.