Tlam 21/9 ti Hà Nội, Êpul grup tuh tia mkra mjing - êa pui ala čar Việt Nam (Petrovietnam) mkŏ mjing Knăm bi hdơr 50 thŭn mkŏ mjing leh anăn tŭ mă Medai mă bruă mrô Sa. Nao leh anăn blŭ hrăm hlăm Knăm bi hdơr, Khua gĭt gai Đảng mñă klă bruă klam mơ̆ng Petrovietnam, grăp thŭn đru mguôp 20-30% ênoh hrui wĭt knŭk kna, đru mguôp yuôm bhăn hơĭt kjăp bruă duh mkra kluôm, rơ̆ng djăp êa pui ala čar; bi mklă kơhưm bruă duh mkra knŭk kna phŭn ñŭ kma hlăm bruă duh mkra lu ala čar.

Mŭt hlăm wưng mrâo, Khua gĭt gai Đảng mtă kơ Petrovietnam mđĭ lar nanao knhuah gru jhŏng ktang čiăng mkŏ mjing Êpul grup tuh tia mkra mjing - êa pui êwa čuh ala čar jhŏng ktang; Petrovietnam brei jing hdră mkăp ênoh yuôm tuh tia mrâo mrang, ba anăp hlăm bruă êa pui êwa čuh mrâo leh anăn êa pui êwa čuh lŏ mkra mjing; mă klei kreh knhâo kdrăp mrâo, mlih mrâo mbruă leh anăn bi mlih mrô mjing boh kdrŭt êdah kdlưn.