Blŭ hrăm hlăm mmông mă bruă, Khua gĭt gai Đảng Tô Lâm bi myuôm dŭm klei blŭ mguôp mơ̆ng khua gĭt gai Bruă Đảng bruă hŏng tač êngao, Knơ̆ng gĭt gai lĭng kahan gưl dlông leh anăn bruă Đảng kahan ksiêm gưl dlông. Khua gĭt gai Đảng Tô Lâm mñă klă klei mĭn gĭt gai mơ̆ng Đảng kơ bruă mtrŭt mđĭ bruă hŏng tač êngao, ñu kma tar rŏng lăn jing bruă klam Phŭn leh anăn jêñ jêñ, mbĭt anăn mñă ktang klei yuôm bhăn mơ̆ng bi mguôp 3 kmeh gơ̆ng: bruă lĭng kahan – klei êđăp ênang – bruă hŏng tač êngao. Khua gĭt gai Đảng Tô Lâm mñă kơ Bruă Đảng Phŭn bruă hŏng tač êngao lŏ dơ̆ng bi mguôp kjăp hŏng dŭm phŭn, dhar bruă, alŭ wăl hlăm bruă hluê ngă čŏng pô, hrăm mbĭt, tŭ dưn dŭm bruă klam hŏng tač êngao.

Khua gĭt gai Đảng Tô Lâm mtă kơ dhar bruă hŏng tač êngao čŏng pô thâo klă boh sĭt, mđĭ hnơ̆ng tŭ jăk, boh tŭ dưn leh anăn hmao ksiêm duah, đru kčĕ hŏng Đảng leh anăn knŭk kna hlăm dŭm hdră êlan. Mñă kơ dhar bruă bi lar bruă klam nao êlâo hlăm bruă mkŏ mjing wăl êđăp ênang, hơĭt kjăp,  ba yua ai dưi tar rŏng lăn čiăng bi sĭt mta kñăm mđĭ kyar lăn čar truh thŭn 2030 leh anăn 2045.