Hlăm mmông tŭ drông, Khua gĭt gai Đảng Tô Lâm bi myuôm dŭm klei đĭ kyar hlăm klei mjĕ giăm dua tĭng, hŏng lu ƀuôn hgŭ, tŭ dưn jăk, hlăm wưng dua ala čar dôk mâo lu bruă ngă klă klơ̆ng čiăng bi hdơr 30 thŭn mkŏ mjing klei mjĕ giăm leh anăn 2 thŭn ƀĭng hgŭm hdră êlan kluôm dhuôm.

Mñă ktang thŭn 2025 jing thŭn yuôm bhiăn, bi hdơr 30 thŭn mkŏ mjing klei mjĕ giăm Việt Nam –Mi, Khua gĭt gai Đảng Tô Lâm mñă kơ dua tĭng lŏ dơ̆ng bi mguôp hluê ngă tŭ dưn hdră bi kƀĭn, mtrŭt mđĭ dŭm gưl nao čuă hdơ̆ng pô hlăm dŭm gưl bruă, mtrŭt mđĭ klei êđăp ênang, hơĭt kjăp, bi mguôp leh anăn mđĭ kyar ti alŭ wăl leh anăn dlông rŏng lăn. Khua gĭt gai Đảng Tô Lâm bi myuôm klei gĭr mơ̆ng pô bi ala Knapper leh anăn êpul êya knuă druh, phung mă bruă anôk bruă bi ala Mi hlăm klei mtrŭt mjhar, hluê ngă tŭ dưn dŭm klei kuôl kă gưl dlông leh anăn mta phŭn bi mguôp hlăm klei bi hgŭm hdră êlan kluôm dhuôm Việt Nam – Mi hlăm bruă kđi čar – bruă hŏng tač êngao, bruă duh mkra – mnia mblei –duh bi liê, bruă lĭng kahan, klei êđăp ênang, ngă bruă đru dŏng leh anăn mgaih msir boh jhat klei bi blah.