Khua gĭt gai Đảng Tô Lâm mñă klă klei čiăng hlue ngă klă klơ̆ng leh anăn mkŏ mjing pŏk ngă Hdră mtrŭn 71 bi mklă klei tŭ jing leh anăn nao hlăm hdĭp mmơ̆ng  Hră mtrŭn, ai tiê jing msir kơ boh klei hdră êlan snăn djŏ ƀiădah hlue ngă amâo tŭ dưn, mbĭt anăn jao kơ Bruă Đảng Phŭn bruă sang hră mtô bi hriăm lŏ dơ̆ng mă djăp klei blŭ hlăm klei bi kƀĭn čiăng mbŏ bi leh ngă bruă Hdră mtrŭn Phŭn bruă kđi čar hưn mdạ hŏng Knŭk kna bi mklă.

Khua gĭt gai Đảng mtă, brei lač klă dŭm bruă brei ngă mtam hŏng hnơ̆ng wưng klă klơ̆ng leh anăn mbha bruă klam rơ̆ng hnơ̆ng jăk klei mtô bi hriăm. Si ngă čiăng mđing kơ klei kñăm knhal tuč brei mđĭ hnơ̆ng hjăk mtô leh anăn hriăm. Đảng, knŭk kna srăng mđing leh anăn mtô djăp klei găl čiăng bruă ngă tŭ jing klei kñăm lač leh hlăm Hdră mtrŭn.