Khua gĭt gai Đảng Tô Lâm mă bruă hŏng dŭm Anôk bruă Klei bi kƀĭn tal XIV mơ̆ng Đảng
Thứ sáu, 10:06, 26/09/2025
Pô mblang H'Zawut Ƀuôn Yă / VOV Tây Nguyên
Pô mblang H'Zawut Ƀuôn Yă / VOV Tây Nguyên
VOV.Êđê- Tlam 25/9, ti Anôk bruă Đảng gưl dlông, Khua gĭt gai Đảng Tô Lâm gĭt gai mmông mă bruă hŏng Anôk dlăng bruă Klei bi kƀĭn XIV mơ̆ng Đảng čiăng brei klei blŭ bi leh dŭm hră čih Hră mơar hưn hŏng klei bi kƀĭn.
Blŭ hrăm klah čŭn mmông mă bruă, Khua gĭt gai Đảng mñă klă, mâo Hră hưn mdah kđi čar leh anăn Hdră ngă bruă wưng 2026-2031, brei bi êdah klei ƀuăn rơ̆ng ktang mơ̆ng Đảng kơ sa wưng đĭ kyar mrâo: hơĭt kjăp čiăng êdah kdlưn, mrâo ktang, kluôm, kjăp; rơ̆ng klei êđăp ênang kluôm, pŏk mlar wăl đĭ kyar hlăm boh klei bi ktưn leh anăn bi mlih kluôm rŏng lăn.
Khua gĭt gai Đảng mtă ksiêm wĭt 40 thŭn mlih mrâo brei ktrâo lač klei hriăm phŭn, hlue ngă kjăp klei kñăm êngiê djuê ana leh anăn yang ƀuôn ngă phŭn, mlih mrâo mâo klei bhiăn, mđĭ lar klei bi hgŭm, mă anak mnuih jing phŭn, bi mguôp ai ktang djuê ana hŏng ênuk mrâo, pral thâo ñŭ kma, ba yua jih klei găl mơ̆ng bi mlih mtah, mrô leh anăn lŏ mkŏ mjing hdră ênoh yuôm kluôm rŏng lăn.
Viết bình luận