Khua gĭt gai Đảng Tô Lâm bi mklă, găn 80 thŭn êgao, bi blah leh anăn hriê kơ prŏng, knuă druh, lĭng kahan thơ̆ng kơ bruă, phung mă bruă knŭk kna, phung mă bruă lĭng kahan êlâo dih leh anăn Knơ̆ng bruă tuh tia mkra mjing lĭng kahan hruê anei bi êdah leh klă klei kđi čar kjăp ktang, sĭt suôr jih hnơ̆ng hŏng bruă cách mạng mơ̆ng Đảng, ai tiê găn klei dleh dlan, čŏng ngă, kriăng, thâo mĭn, mbruă, bi hgŭm hŏng Yang ƀuôn.

Hlăm wưng kơ anăp čiăng bi leh klei kñăm mkŏ mjing êpul lĭng kahan yang ƀuôn Việt Nam krŭ kdơ̆ng, knhăk, mrâo mtang, Khua gĭt gai Đảng mtă kơ bruă Đảng gưl dlông, Phŭn bruă lĭng kahan kƀĭn gĭt gai Knơ̆ng bruă tuh tia mkra mjing lĭng kahan ksiêm dlăng nanao, ngă bi jăk, tŭ dưn dŭm hdră êlan, klei gĭt gai mơ̆ng Đảng, Knŭk kna, lĭng kahan kơ klei mđĭ kyar bruă tuh tia mkra mjing lĭng kahan, bi mguôp kjăp plah wah lĭng kahan hŏng bruă duh mkra, bruă duh mkra hŏng lĭng kahan truh thŭn 2030.