Tlam mbruê 27/8 ti Hà Nội, mkŏ mjing knăm bi hdơr 80 thŭn hruê mkŏ mjing Phŭn bruă kiă kriê bruă knuă leh anăn Klei kƀĭn prŏng bi lông ktưn khăp kơ lăn čar gưl tal 1, čiăng lŏ wĭt bi hdơr hdră bruă kdrăm kơah leh anăn bi hdơr kơ dŭm gưl phung khua gĭt gai, phung mă bruă knŭk kna,… dhar bruă kiă kriê bruă knuă čhuang mŭt hlăm ênuk mrâo hŏng klei hmăng hmưi duh myơr kyua sa Việt Nam mdrŏng ktang. Bi ala phung khua gĭt gai Đảng, knŭk kna mđup brei mđê đai mă bruă mrô 1 kơ Phŭn bruă kiă kriê bruă knuă.

Khua gĭt gai Đảng Tô Lâm mñă klă – dhar bruă kiă kriê bruă knuă jing êpul siă suôr, jih ai tiê, mbruă, đru mguôp mkŏ mjing klei kiă kriê lăn čar leh anăn bi hơĭt klei hdĭp yang ƀuôn. Khua gĭt gai Đảng Tô Lâm mñă kơ kluôm dhar bruă lŏ dơ̆ng bi lar bruă klam phŭn hlăm klei đru kčĕ leh anăn ngă hdră bi hơĭt klei hdĭp yang ƀuôn kluôm dhuôm, tŭ dưn, mlih mrâo klei bi lông ktưn, pah mni čiăng klă sĭt mkŏ mjing hdră bi lông ktưn kluôm êlam, bi râo klei hmăng hmưi duh myơr hlăm ênŭm đĭ kyar mrâo, boh nik nao êlâo hlăm klei mlih mrô, mlih mrâo bruă knŭk kna, jing gru hmô hlăm klei ngă bruă.