Bi ala kơ Khua gĭt gai Đảng, Knŭk kna mđup brei Medai mă bruă mrô sa kơ Phŭn bruă hŏng tač êngao, Khua gĭt gai Đảng Tô Lâm hơêč hmưi kơ boh tŭ, klei đru mguôp êdah êdi mơ̆ng bruă hŏng tač êngao, mbĭt anăn lač klă, ênuk dôk mă bruă hŏng bruă lĭng kahan leh anăn răng mgang klei êđăp ênang, Đảng leh anăn Awa Hồ jih ai tiê dlăng myuôm bruă klam mơ̆ng bruă hŏng tač êngao.

Khua gĭt gai Đảng Tô Lâm mtă, hlăm wưng kơ anăp kluôm Dhar bruă hŏng tač êngao brei mkŏ mjing bruă kluôm, mrâo mrang, thơ̆ng kơ bruă, jiă kma knhuah Việt Nam; kluôm hlăm jih tlâo mta bruă: Bruă tač êngao Đảng - Bruă hŏng tač êngao Knŭk kna - bruă hŏng tač êngao mnuih ƀuôn sang, bi mguôp kjăp hŏng bruă lĭng kahan, klei êđăp ênang, bruă duh mkra, kreh knhâo kdrăp mrâo, dhar kreh leh anăn hâo hưn hŏng tač êngao.