Hơêč hmưi kơ dŭm boh  tŭ êdah êdi mơ̆ng Sang mđung rup Việt Nam mâo leh hlăm wưng êgao, Khua gĭt gai Đảng Tô Lâm lač klă, hlăm wưng đĭ kyar mrâo, tơdah kluôm Đảng, jih jang mnuih ƀuôn sang, kluôm lĭng kahan dôk gĭr ngă tŭ dưn Hdră mtrŭn Klei bi kƀĭn tal XIII mơ̆ng Đảng, mđing kơ Klei bi kƀĭn phung bi ala kluôm ala tal XIV, kyua anăn Sang mđung rup Việt Nam ƀrư̆ bi mklă klei thâo, kmeh gơ̆ng mkra mjing klei đăo knang leh anăn klei sa ai hlăm ala ƀuôn.

Khua gĭt gai Đảng Tô Lâm mtă, Sang mđung rup Việt Nam mđĭ klei mlih mrô kluôm, mđĭ kyar kdrăp mrâo hâo hưn lu tur knơ̆ng, mđing jing Êpul hâo hưn kdrăp mrô ala čar mrâo mrang, ba yua hlie si gru mrô kluôm, ba anăp hlăm bruă mkra mjing leh anăn mđung boh phŭn hnơ̆ng jăk, lu tur knơ̆ng, lu klei blŭ, yua kdrăp mrâo mrang duh kơ mnuih ƀuôn sang hlăm ala čar leh anăn ala tač êngao, đru răng mgang kjăp klei dưi hâo hưn ala čar, mđĭ kơhưm Việt Nam hlăm hla kak hâo hưn dlông rŏng lăn.