Bi ala kơ phung khua gĭt gai Đảng, Knŭk kna mđup brei mêđai Hồ Chí Minh kơ Thông Tấn xã Việt Nam, Khua gĭt gai Đảng Tô Lâm bi mni kơ ai tiê bruă knuă mơ̆ng dŭm gưl phung khua kiă kriê, mnuih ngă bruă hlăm Thông tấn xã Việt Nam găn leh hlăm dŭm gưl ênuk hŏng bruă cách mạng Việt Nam; bi mklă hlăm dăl 80 thŭn êgao, Thông tấn xã Việt Nam jing sa anôk bruă hâo hưn knơ̆ng, anôk bruă klei mrâo phŭn mơ̆n ala čar.

Khua gĭt gai Đảng čang hmăng, hlăm wưng tinăp phung ngă bruă hlăm Thông tấn xã Việt Nam lŏ mjuăt bi hriăm kjăp hĭn knhuah bruă kđi čar hŏng klei kjăp, hur har sa ai hŏng klei mĭn cách mạng, bi klă bruă klam mơ̆ng phung ba anăp, bi leh jăk bruă kčah jao mơ̆ng Đảng lehanăn knŭk kna, hâo mdah lar ƀar hdră êlan, klei bhiăn lehanăn boh tŭ dư̆n bruă mđĭ kyar mơ̆ng Việt Nam, đru lŏ ksul mbŭ klei đăo knang, klei sa ai hlăm yang ƀuôn, lŏ bi kơrŭ ai tiê klei duh myơr mơ̆ng kluôm yang ƀuôn hlăm klei mđĭ kyar lăn čar./.