Khua knŭk kna lač, Đảng lehanăn knŭk kna dlăng yuôm bruă mjuăt bi hriăm jing mrô sa, mâo hdră mtrŭn mrô 71 mghaih msir bi jih klei gun kpăk, mđĭ kyar hlue ênuk mrâo mrang, bi kơrŭ bruă sang hră mơar. Mta kñăm truh kơ thŭn 2035, jih jang bruă sang hră mơar bi hlue djŏ hŏng ênuk mrâo mrang, rơ̆ng hlăm klei mtăp mđơr, kjăp tă hdră hlŏng truh kơ thŭn 2045, Việt Nam dôk hlăm êpul 20 ala čar mâo klei mjuăt bi hriăm mrô sa dlông rŏng lăn, jih jang mnuih mâo klei găl dưi hriăm mjuăt tơl jih klei hdĭp.

Hdră mă bruă mơ̆ng ară anei, thŭn 2025 hŏng dŭm bruă čuăn; Čih bi leh dŭm klei bhiăn, mkŏ mjing hdră êlan mă bruă kơ sang hră mơar, bi mlih hdră êlan mtô bi hriăm, ba yua hdruôm hră bi hriăm sa hnơ̆ng mơ̆ng thŭn hriăm 2026-2027; anăp truh kơ klei amâo mâo rĭng ôh prăk hdruôm hră hriăm kơ hđeh mơ̆ng thŭn 2030. Lehanăn, knŭk kna pral bi leh bruă kơ prăk mlan nai mtô, prăp đru ba kơ mnuih mă bruă hlăm sang hră mơar./.